Efir üçün darıxıram...
Tuesday, 09 February 2010 01:31
administrator
Sevinc Muradova
Hərdən sual verirəm: Qadınlar niyə makiyaj edir?
Qadınlar gözəl, cazibədar, fərqli görünmək, qüsurları gizlətmək, kişilərin xoşuna gəlmək, digər qadınlara acıq vermək üçün makiyajdan istifadə edirlər. Elə qadınlar var ki, özlərinə arxayın olmadıqları üçün heç bir zaman makiyajsız evdən bayıra çıxmazlar. Bir yaxın rəfiqəm var ki, onu heç vaxt makiyajsız görməmişəm. Xüsusilə də gözlərinə həmişə çox makiyaj edir və bunu gözlərinin çox xırda olması ilə əsaslandırır. Ona deyəndə ki, axı gözlərin qəşəngdir, deyir: “Yox, çox kiçikdir, lap çinlilərə oxşayıram”. Mən isə əhval-rihəyyəmə görə makiyaj edirəm. Əgər kefim yaxşıdırsa, o zaman makiyaj edirəm, kefim olmayanda, heç kəs məni makiyaj etməyə məcbur edə bilməz. Efirə çıxmaq və ya qonaq getmək istisna olmaqla. Əlbəttə bu zaman makiyaj mütləq lazımdır. Amma gündəlik həyatda - işə gedərkən yalnız kefimə düşəndə, istədiyim vaxtlarda makiyaj edirəm. Bax, bu gün mənim kefim çox yaxşı idi, durub makiyaj etdim, saçıma dwzwm verdim. Gündəlik makiyaj və saç düzümümü özüm normal qaydaya sala bilirəm. Belə hesab edirəm ki, cəmiyyət içində olanda makiyajdan istifadə etmək olar. Bəziləri makiyajsız olmağı bəlkə də əskiklik kimi qəbul edirlər. Düşünürəm ki, fikirləşəcəklər ki, nədən bu belə səliqəsiz, baxımsız görünür. Etiraf edirəm ki, başqalarının fikri məni az da olsa maraqlandırır. Güman edirəm ki, bu, normaldır. Çünki başqalarının fikri çoxlarını maraqlandırır. Mən makiyaj həvəskarıyam. Kimdəsə gözəl makiyaj və ya saç düzümü görəndə, mütləq özümdə sınamalıyam. Məsələn, bu yaxınlarda bir film izləyirdim və orada bir qızın makiyajı çox xoşuma gəldi. Onun qorxu filmi olduğunu sezincə seyr etməkdən vaz keçdim və təəssüfləndim ki, başqa film olsaydı məmnuniyyətlə oturub o qızın saçına, makiyajına tamaşa edərdim. Makiyaja sərf etdiyim vaxt hara hazırlaşmağımdan da asılıdır. Gündəlik makiyaja 20-30 dəqiqə vaxt sərf edirəm, çünki bu işi tələsik edə bilmərəm. Hərdən evdən hazırlaşıb çıxmağa 3 saat vaxtım gedir. Bəlkə də məni sevəcək insan makiyajsız olmağımı istəyəcək, o zaman ona görə mən bəzən makiyajsız gəzə bilərəm. Amma hər halda hərdən bunu edəcəyəm.
Estetik əməliyyat etmək istəyən etsin
Bəziləri gözəl görünmək üçün estetik əməliyyatlara da əl atırlar. Bütün dünya ulduzları hansısa estetik əməliyyat keçiriblər. Ancelina Colidən tutmuş Britni Spirsə qədər hamı estetik əməliyyat masasından yol qət edib. Çünki kamera qarşısında, fotolarda gözəl görünmək lazımdır. Estetik əməliyytalardan ən acığım gələni qaşlara tatuaj edilməsidir. Hesab edirəm ki, bu, üzü kobudlaşdırır. Kimdəsə bunu görəndə əsəbiləşirəm. Ən xoşuma gəlməyən bir şey də xanımlarımızın tonal kremdən həddindən artıq çox istifadə etmələridir. Halbuki, bu krem üz cizgilərində olan xırda qüsurları gizlətmək üçün az miqdarda çəkilməlidir. Xanımlarımız isə öz dərilərinin təbii rəngini gizlətməyə çalışırlar. Mənim bundan heç xoşum gəlmir. Əlbəttə, dəridə xırda qüsurlar olanda bunu etməyə məcbursan. Məsələn, mənim dərimin rəngi xoşuma gəlir, buna görə də mən tonal kremi az çəkirəm. Yalnız bir az dərimin tonunu dəyişdirirəm.
Istəyirəm Monika Belucciyə oxşayım
Hərdən güzgüyə baxıram və xəyallara dalıram. Fantaziyam işə düşür. Çox istərdim əsmər olum, gözüm, qaşım qara olsun. Əsl Şərq qadını olum və ya italyanlara oxşayım. Düzdür indi saçlarım sarışındır, məcburən saxta sarışın olmuşam. Çünki bu, mənim təbii rəngimə daha yaxındır. Istərdim ki, gözlərim açıq deyil, iri, qara rəngdə, badamı göz olsun.
Yaxşı ki TV-də işləmişəm
Bütün çətinlikllərə baxmayaraq buna şükr edirəm. Veriliş apardığım illərdə mən çox şey öyrəndim. Öyrəndiklərimin siyahısında makiyaj etməyi, zövqlə geyinməyi üst sıralara yerləşdirirəm . Üslubun nə olduğunu işimi görərkən bildim. Buna görə də indi hər hansı bir mərasimə gedəndə ona uyğun geyinib makiyaj etməyi bacarıram. Stilləri uyğunlaşdırmağı da həmçinin.
Anar bir dənədir
Daha çox stilist Anarla işləyirəm. Bir-birimizi başa düşürük. Doğrudur, hərdən məsləhətləri mənim fikirlərimlə üst-üstə düşməsə də…
Efir üçün darıxıram
Gözəllik mövzularından az müddət uzaqlaşmağım daxilimdə bir boşluq yaratdı…yamanca darıxdım…
Az olsun, saz olsun
Hazırda müxtəlif məşhur markaların adı altında ucuz mallar çoxalıb. Bir çoxları hesab edir ki, qarderoblarında ucuz, lakin sayca çox geyim olsa daha yaxşı olar. Mən isə hesab edirəm ki, qoy qarderobumda iki, lakin çox keyfiyyətli və bahalı geyim olsun. Çünki bahalı geyim dərhal hiss olunur.
Baxımsızlıqdan depressiyaya düşə bilərəm
Bəzən elə olur ki, 3-5 gün ərzində mən evdən bayıra çıxmıram və saçıma, üzümə qulluq etmirəm. Bu baxımsızlıq halımdam
depressiyaya düşə bilərəm. Ona görə də 3-5 gündən bir də olsa, ürəyim istəyən kimi bəzənməliyəm. Bu, mənim üçün bir faktor xarakteri daşıyır. Mənə elə gəlir ki, bütün qadınlar üçün bəzənmək antidepressant rolunu oynayır. Adətən deyirlər ki, şoppinqlər antidepressant vasitəsidir. Amma evdən bəzənib çıxmağın özü də antidepressantdır. Bütün qadınlar kimi depressiyada olanda, şoppinq bir saatlıq da olsa, məni bundan uzaqlaşdırır. Nə qədər də adi görünsə, bu, belədir.
Kişilər nəyə fikir verirlər?
Qadınlar digər qadınların makiyajına, məsələn, dodaq boyasının, göz qələminin rənginə, kipriklərinin uzunluğuna daha çox diqqət yetirirlər. Düzdür, adətən qadınlar digər cinsin nümayəndələrinə xoş gəlmək üçün bəzənirlər, amma mənə elə gəlir ki, kişilər qadının yalnız ümumi görünüşünə diqqət yetirirlər. Xırda detallar onları o qədər də maraqlandırmır. Qadınlar isə xırdalıqlara daha çox fikir verirlər. Bu qadının əl çantası ayaqqıbısına uyğundurmu, zövqlə və ya zövqsüz geyinib? Mənə elə gəlir ki, kişilər əsasən, qadınların əl dırnaqlarının səliqəli olmasına, bir də ayaqqabılarına daha çox fikir verirlər. Makiyajın bu gün az və ya uyğunsuz olmasını onlar bəlkə də hiss etməzlər, amma əl dırnağının qaydasında olmasına və ayaqqabının qəşəngliyinə kişilər dərhal diqqət yetirirlər. Hətta mən elə qadınlar tanıyıram ki, onlar da öncə kişinin əl dırnaqlarına və ayaqqabısının səliqəli olmasına diqqət yetirirlər.
Bir ətirdən iki dəfə istifadə etmərəm
Elə qadınlar da var ki, alt paltarlarının gözəl və bahalı olmasına diqqət yetirirlər. Mənim bir rəfiqəm var. Ailəli deyil, amma gözəl alt paltarlarına üstünlük verir. Gözəl, bahalı alt paltarları onun əhval-ruhiyyəsini yüksəldir. O,bunu kiməsə xoş gəlmək üçün etmir. Sadəcə ən zəif yeridir. O, digər şeylərə pul verməyə bilər, amma xoşuna gələn bahalı alt paltarını mütləq almalıdır. Qadınlar da var ki, bahalı ətirlərə üstünlük verirlər. Məsələn, o, bahalı paltar almaya bilər, amma gedib çox bahalı ətir mütləq almalıdır. Mən özüm heç vaxt bir ətirdən iki dəfə istifadə edə bilmərəm. Bu, mənim əhvalımı korlayar. Mütləq təzə ətir olmalıdır, təzə obraz olmalıdır, təzə imic olmalıdır. Həmişə jurnallara baxanda nə isə xoşuma gələn bir obraz seçib fikirləşib onu mütləq üzərimdə tətbiq edirəm. Saç düzümü, makiyaj, ayaqqabı, stil xoşuma gələ bilər. Bəlkə də bu, mənim işimlə bağlı olub, ya da xasiyyətimdən irəli gəlir. Bilmirəm nədəndir. Amma yadıma gəlir ki, uşaqlıqdan zövqlə geyinməyi xoşlayırdım. Televiziyaya gələndə də həmişə arzum qadın verilişi hazırlamaq olub və böyüyəndə də sanki özümü bu verilişdə tapdım.
Dikdabansız olmaz
Ən sevdiyim ayaqqabılarımın hamısı dikdabandır. Onlarsız özümü heç təsəvvür etmirəm və onlarsız özümü bir təhər hiss edirəm. Başqa cür olması mənə bir qəribə gəlir. Bundan söz düşmüşkən istərdim bir az da digər ölkələrin qadınlarından danışaq. İlk dəfə Türkiyədə olanda orada bütün qadınların yastıdaban ayaqqabılarda gəzməyi məni çox təəccübləndirdi. Fikirləşdim ki, axı niyə onlar belə geyiniblər. Əvvəlcə anlamırdım. Sonra gördüm ki, İstanbul o qədər böyük şəhərdir ki, dayanacağa gəlmək üçün heç olmasa yarım saat ayaqla gəzməlisən. Mən də İstanbulda olduğum ilk üç gündə dikdaban ayaqqabıda gəzirdim. Dördüncü gün isə ayaqlarım artıq gücdən düşüb elə şişmişdi ki, həmin anda elə yeraltı keçiddə satılan idman ayaqqabılarından birini alıb geyindim. Bu hadisədən sonra artıq dikdaban geyinməyən qadınları qınamaqdan da vaz keçdim.
www.burlaxatun.az
Azərbaycanda UZMANLAR CAM BALKON ®
Yanlara yığılan "Şüşəbənd" sistemləri - Texnologiya ilə birlikdə addımlayın
Tbilisi prospekti, 43/42 tel: mobil - (+994 50) 620 30 10, (+994 55) 654 34 74, iş - (+994 12) 418 82 12
NOSTALJİ
Günel Mövlud yazır Axşamçağına cavab… Şəkidən reportaj Polemika Gürcüstandan reportaj Restorandan reportaj
Nəhəng bir kişidi bu dünya Mən Ona gərək deyiləm Amma məni bu yox Pəncərənin o tayında Yağışın Çirkli gölməçəsində Əllərini yuyan adamın Halına baxıb Təsəlli alacaq qədər Gücsüz olmağım ağrıdır...
Aqşin Yeniseyin yeni şeirləri Günel üçün
Bir zəlzələlik canı var şəhərlərin Bir sevgilik ömrü var şairlərin Bir nəfərlik unudulmaq qorxusu var qadınların Şəhərlər zəlzələdən, Şairlər sevgidən, Qadınlar unudulmaqdan qorxur...
Adil Mirseyid. Bayyo qobeleni 
Azad insan, sən hər zaman dənizi sevəcəksənBöyük fransız şairi Şarl Bodlerin bir şeirindən misal gətirdiyim bu misra son günlər heç ağlımdan çıxmır. Hər zaman dənizi sevdim – mən özgür adamam. Bir zamanlar mənə elə gəlirdi ki, əvvəlki həyatımda Fransada doğulmuşam, xəyallarımın ölkəsi Fransanın cənubunda yaşamışam. Uşaqlıqda Şarl Perro nağıllarını oxuyurdum, bu əsrarəngiz nağıllar aləmində gündə bir buğda boyu böyüyürdüm.
Kalvados departamenti. Bayyo şəhəri. Şəhərin qədim əsərləri Şarl Perronun nağıllarındakı qəsrlərə bənzəyir. Şəhərlə dənizi on km məsafə ayırır – cəmisi iki km-dən sonra dənizə qovuşmaq mümkündür. Amma mən o dənizə qovuşa bilməyəcəm. Nazim Hikmətin səsiylə bir şərqi oxumaq istəyirəm:
Çox yorğunam,
məni bəkləmə, kapitan,
Səfər dəftərini başqası yazsın.
Çinarlı, qübbəli mavi bir liman,
Məni o limana çıxaramazsan.
Bayyo şəhərində Tapusserie yazılmış yol işarələrinə rast gələcəksiniz. Tapuseerie sözünü açıqlayım, Tapusserue qobelen deməkdir. Bu, bizim bildiyimiz adi qobelen deyil – bu, məşhur Bayyo qobelenidir. Əslində bu, unikal bir tikmə sənəti nümunəsidir. Qırmızı, sarı, yaşıl, mavi və boz yun saplarla işlənmiş qobelen sanki min il əvvəl deyil, təzəcə toxunub.
Üzərində Tapisserie yazılmış lövhənin işarə etdiyi səmtə yollanaq. Qədim şəhərin daş döşənmiş darısqal küçələrindən keçirik. Orta əsrlər üslubunda inşa edilmiş mədənin yanından ötüb şəhərin mərkəzinə doğru gedirik. Bu da şəhərin mərkəzi, dairəvi meydan. Yenə Tapisserie yazılmış lövhə. Bu lövhə bizi şəhər muzeyinə aparacaq. Bilet alıb muzeyə girəcəyik. Dünyanın bütün muzeylərində olduğu kimi, burda da sərin bir səssizlik duyulur. Uzun, ensiz, pəncərəsiz dəhliz. İndi biz orta əsr möcüzələrindən birinin cəmi iki addımlığındayıq. Bayyo qobeleni burda qalın orqanik şüşə örtük altında qorunub saxlanılır. Qobelen uzun kino lentini xatırladır. Gəlin Bayyo qobeleninin ölçülərinə fikir verək. Qobelenin uzunluğu yetmiş metrdir, əslində bu əlvan frizun orijinal ölçüsünün daha böyük olduğu söylənilir. Qobelenin daha altmış metrə yaxın hissəsi uzun illər əvvəl müəmmalı şəkildə yoxa çıxıb. Deməli, onun uzunluğu hardasa yüz otuz metrə yaxın olub, görəsən, qobelenin itirilmiş hissəsində hansı səhnələr təsvir olunubmuş, biz bunu heç vaxt bilməyəcəyik. Qobelenin eni isə cəmi yarım metrdir. Qobelenin süjeti haqqında danışmazdan öncə qeyd edək ki, burda real və mifik obrazlar, astroloji rəmzlər, məişət səhnələri, hətta erotik epizodlar görəcəksiniz. Qobelen üzərində altı yüz min insan fiquru, iki yüz iki at, əlli beş it, qırx doqquz ağac, qırx bir gəmi və beş yüzdən artıq digər heyvan fiqurları toxunub. Ən maraqlı detallardan biri – altı yüz iyirmi altı insan fiqurundan ancaq üçü qadın obrazıdır.
Mütəxəssislərin araşdırmalarına görə, bu qobelen üzərində tarixi səlnamənin şifrələri yazılıb. Qobelen normandların İngiltərəni fəth etməsinin şərəfinə toxunub. 1066-cı ildə normandlar İngiltərə ilə savaşdan qalib çıxdılar. Qobelen normandların tarixi salnaməsidir, onların bu tarixi olaylara münasibətini əks etdirir. Belə ki, bu qobelendə əksini tapan tarixi faktlar normandların tarixə baxışlarını əbədiləşdirib. Amma bu gün incəsənət tarixinə məlumdur ki, Bayyo qobeleni Normandiyada toxunmayıb. Fərziyyələrə görə, Qobelen işğal olunmuş İngiltərədə toxunub. Özü də hər halda, 1066-cı il olaylarından çox sonra. Yalnız ilk baxışda qobelendə təsvir olunan hadisələrin sırf normand versiyası olduğuna inanmaq mümkündür, bu isə incəsənət tarixçilərini, araşdırmaçıları yanlış məcraya yönəldə bilər.
Bayyo qobeleninin tragik hekayəsini vərəqləyək. Toxucular üçün eskizlər çəkən rəssam rəsmlərdə gizli kodlar qoyub. Rəssam bəlkə qraf II Yustasa rəğbət bəsləyib? Şimali Fransada hakimiyyət uğrunda Vilhelmə rəqib olan qraf Yustas İngiltərə taxt-tacını da ələ keçirmək sevdasına düşə bilərdi. Tarixi mənbələrə istinadən deyə bilərik ki, 1066-cı ildə Hastinqs savaşında qobelendə təsvir olunmuş üç personaj normandlar tərəfindən döyüşüb. Bunlar hersoq Vilhelm, yepiskop Odo və qraf Yustasdır. Qobelendə əsas obraz qraf Yustasdır. Qraf Yustas isə normand deyildi. Əgər əsər normand versiyası kimi düşünülsəydi, onda qobelenin baş qəhrəmanı Giyom Vilhelmdən başqası olmamalıydı. Hersoq Giyom Vilhelm əslində hersoq İkinci Yustasa etibar eləmirdi.
Tarix dərslikləri yazır ki, Hastinqs döyüşlərində hersoq Vilhelmin başçılıq etdiyi atlı cəngavərlər həlledici rol oynayıb. Vilhelmin cəngavərləri təpə üzərində yüksəklikdə qərar tutmuş ingilis ordusuna bir neçə dəfə hücuma keçir, sonra geri çəkilir. Hersoqun hiyləsi baş tutur, ingilislər mühasirəyə düşürlər. İngilislər atlı normand cəngavərlərinə məğlub olurlar. İngilislərin sərkərdəsi Qarold mahir döyüşçü idi, o, bu döyüşdən bir qədər əvvəl norveçlilər üzərində parlaq qələbə qazanmışdı. Bəs indi nə baş verirdi ki, onun ordusu belə asanlıqla tələyə düşmüşdü?
Daha bir önəmli detal – qobelendə ingilis ordusu nədənsə bütünlüklə piyada əsgərlərdən ibarətdi. Süvarilər gözə dəymir, amma onların qalxanları eyni ilə normand atlılarının qalxanlarına bənzəyir.
Qaroldun ölümü. Sərkərdə oxla vurulub yaralanır. Normand cəngavərləri yaralı sərkərdəni qılıncdan keçirirlər. Bəs onu oxla vuran kim olub? Ümumiyyətlə, cəngavər döyüşündə ox hardan peyda olub?
Məlumdur ki, Qərbi Avropa cəngavərləri heç vaxt döyüşdə oxdan istifadə etməyiblər. Onlar düşmənlə üz-üzə, göz-gözə döyüşməyə üstünlük verərdilər. Bu, onların cəngavər şərəfi haqqında təsəvvürlərinə zidd idi. Qərbi Avropa cəngavərlərinin düşüncəsinə görə, rəqibi oxla vurmaq əclaflıqdır, döyüşdə düşməni oxla vurmaq özünə hörmət edən cəngavərə şərəf gətirmir.
Bu cəngavər fanatizmi idi, yoxsa sosial snobizmdir? – gəlin bu məsələni mütəxəssislərin öhdəsinə buraxaq.
Muzeydən çıxıb Bayyo şəhərinin kafelərindən birində açıq havada oturub bir fincan qəhvə içək. İstəsəniz, absent sifariş edə bilərsiniz – un cofe creme qarson.
Qədim yunan klassiki Evripidin qələmə aldığı pyesdə Heraklı gözdən salmağa çalışan personajlardan biri deyir: “O, (yəni Herakl) heç vaxt nizə və qalxanla silahlanmır. O, ox-yaydan istifadə edir, ox isə qorxaqların silahıdır. Ox döyüşçünü qəhrəman eləmir. Əsl kişi nizə qarşısına çıxmağa cəsarəti olandır”. Heraklın atası oğlunu bu sözlərlə müdafiə etməyə qalxır. Heraklın atası deyir ki, ox atan mahir döyüşçü düşmənin üstünə çoxsaylı ox ata bilər, bununla belə özündə ehtiyat oxlar saxlayar. O, düşmənlə arada məsafə saxlayır, özü düşmənə görünmür, amma ox yağdırır. O, düşmən cəbhəsinə mümkün olduğu qədər çox zərbələr endirir – bu isə müharibənin əsas şərtlərindən biridir.
Qədim yunan əfsanəsi orta çağlar şevloyeləri üçün də keçərli idi, oxlu yay, arbalet aşağı təbəqənin, qara camaatın silahı sayılırdı. Ox-yay gəzdirən adam əsilzadə ola bilməzdi. Kübar mühit onu heç cür qəbul eləyə bilməzdi. Amma tarixdə bəzi istisnalar həmişə mövcud olub. Məsələn, altıncı yüzil frank səlnaməçisi Turlu Qriqori qraf Lüdastın adını çəkir. Əlbəttə, qraf Lüdast cəngavər idi. Cəngavərlər kimi də geyinərdi. Amma qraf ox gəzdirərdi. Bu detal çox önəmlidir. Salnaməçi bu detalı xüsusi olaraq qabardır. Əcəba, o, bununla nə demək istəyir?
Qraf Lüdast gəncliyində aşbaz, sonra isə mehtər olub. İgidliyi və ağlı sayəsində mənsəb qazanıb, qraf rütbəsi alıb. Amma o, əsilzadə kökənli deyildi – salnaməçi bunu vurğulayır.
Rüstəm İbrahimbəyovun “Səhranın bəyaz günəşi” filminin personajlarından birinin zərbi-məsələ dönmüş sözlərini yadınıza salmaq istəyirəm. Həmən personaj, gənc qızıl əsgər Petruxaya müraciətlə “Şərq incə məsələdir, Petruxa” – deyir. Deyəsən, xatırladınız, təbəssümünüzdən bəlli olur. Doğrudan da Şərq incə məsələdir. Şərqdən baxanda orta çağların cəngavər, xaçlı şevolye fanatizmi gülünc görünür. Şərqli döyüşçüləri mahir, sərrast oxçular idilər. Onlar ox-yaylarını qızılla, gümüşlə, qiymətli daş-qaşlarla bəzəyərdilər. Döyüşdə fərqlənən əsgərlərə qiymətli ox-yay bağışlayardılar. Ox orta çağlar şərq döyüşçülərinin ən effektli silahı olub, bu, danılmaz bir həqiqətdir. Heç Qərb salnaməçiləri də bunu inkar etmirlər. Süvari şərq döyüşçüsü at belində, yəhər üstündə döyüşərdi. Süvari döyüşçülər düşmən üstünə hücuma keçərdilər və döyüş zamanı hiylə işlədib, guya döyüş meydanından qaçardılar. Düşmən qoşunları bir ox məsafəsi qədər yaxınlaşanda isə elə yəhər üstündəcə geri dönüb onları oxa basardılar. Orta çağların ən igid döyüşçüləri əlbəttə hunlar, türklər mahir ox atanlar olublar. Hun, türk döyüşçülərinin barbar avropada yaratdığı dəhşətli vahimə hələ də avropa xalqlarının əfsanələrində yaşayır, yazılı salnamələrdə yer alıb. Hun türk döyüşçülərini tarixin yaddaşından silmək mümkün deyil.
Yalnız türklər deyil, yapon samurayları da döyüşə oxla-yayla gedərdilər. Yapon dilində “döyüşmək”, “savaşmaq” sözü “ox atmaq” kəlməsi ilə sinonimdi – bu isə təsadüf ola bilməz.
Qəhvəmizi içdik. Gəlin Tapisserie muzeyinə dönək. Qeyd edim ki, bu muzey, loru dildə desək, Bayyo xalça muzeyi bir zamanlar şəhər ratuşası olub, sonradan muzeyə çevrilib.
Bayyo qobelenində T şəkilli xaç nişanələri diqqəti cəlb edir. Hersoq Vilhelmin cəngavərlərinin qalxanlarında qızılı rəngli T şəkilli xaç görünürdü.
Ren-Denidə qorunub saxlanan qədim fransız döyüş bayrağı – məşhur oriflamma sadə qırmızı parçadan və qızılı saçaqlardan ibarətdir. Oriflammanın – döyüş bayrağının üzərində heç bir rəmz təsviri yer almayıb.
Kiçik bir hekayə, dimdiyində zeytun budağı olan ağ göyərçin simvolu sizlərə nə deyir? Yox, bu krossvord deyil. Ay səni, qələmim dimdiyində zeytun budağı tutmuş göyərçin şəkli çəkir.
Janna Darkın bayrağında bu şəkil vardı – Janna bu bayraqla döyüşlərdə qələbə çalırdı. Amma ağ göyərçin onu odda yandırılmaqdan qoruya bilmədi.
1066-cı il Qastinqs döyüşü haqqında ilk yazılı məlumata yepiskop Qay Amenin qələmə aldığı “Qastinqs döyüşü haqqında nəğmələr”də rast gəlinir. Qay Amen isə normand deyildi, fransız idi. Üstəlik də qraf Yustasın qohumu olub. Bu əsər uzun müddət itmiş və ya məhvedilmiş sayılırdı. 1882-ci ildə kral arxivistləri təsadüfən “Nəğmələr”in iki nüsxəsini tapırlar, bu nüsxələrdə normand mənbələrindən fərqli olaraq hersoq Giyom və ya Vilyam deyil, qraf Yustas döyüşün qəhrəmanıdır. Qobelendə də qraf Yustas əlində bayraq normand cəngavərlərinin hücumuna başçılıq edir. Qobelenə diqqətlə baxsaq, dörd nəfər piyada normand oxçusu görəcəyik. Yalnız bir atlı oxçu fiquru gözə dəyir, o da normanddır. Başında dəbilqə var bu döyüşçünün, bizcə bu təsvir rəssamın səhlənkarlığı sayılmamalıdır, çünki bütün fiqurlar ən xırda detallarına qədər dəqiqliklə işlənib.
Bayyo qobeleninin sirri naməlum dahi sənətkarın gələcək nəsillərə mesajıdır. Yetmiş metrlik qobeleni hissə-hissə fraqmentlərlə, personajlarla, simvollarla çözmək heç də asan məsələ deyil. “Qastinqs döyüşü haqqında nəğmələr” vasitəsi ilə qobeleninin sirri çözülür. Necə deyərlər, həqiqət həmişə göz önündə olur, amma gözə görünmür. Qobelen üzərində Ezop təmsillərinin personajlarının təsviri təsadüf və ya rəssamın şıltaqlığı ola bilməz. Ezop obrazları bəlkə də sənətkarın gizli şifrələridir.
Cavidan Sadəcə bu…
O, çox gec anladı ki, Həyat – Sadəcə və sadəcə Kanalizasiya xəttiymiş…
Sən Ya rahat yolu seçib Axına qarışırsan, Ya da Yuxarılardan yapışıb Sallanırsan… əllərinlə addım-addım və tər-təmiz çıxmaq üçün o başa…
